Albisteak

2012-2013 IKASTURTERAKO MATRIKULA

2012-01-28T12:50:00.001+01:00

Urtarrilaren 30ean, 12-13 ikasturterako matrikula epea zabaltzen da.
Informazio gehiago nahi baduzu, klikatu hemen (PDF), ikastolako webgunea ikusi edo hurbildu zaitez inongo konpromisorik gabe Ikastolako idazkaritzara

KAMISETAK ETA PINak SALGAI

2012-01-20T15:46:00.002+01:00

Otsailaren 3ra arte, idazkaritzaren aurrean izango da Saharar herriarentzat elikagai eta beste produktuen bilketa; halaber, metroko bolondresek aurten aurrera eraman nahi duten proiektuarentzat dirua biltzeko, kamisetak, pin-ak etab salgai egongo dira ikastolan ere.

EGUTEGI BATZUK ORAINDIK SALGAI DAUDE

2012-01-20T15:39:00.001+01:00

Badakizue aurtengoproiektua santo domingon bizi diren haitiko errefuxiatuei laguntzeko izangodela.

Anima zaitezte azkenakerostera zuen etxeko txokoak alaitzeko !

Eskerrik asko

CONFINT

2012-01-18T17:15:00.001+01:00

Gasteizen urtarrilaren 26eta 27an estatu mailako CONFINT ( gazteen nazio arteko konferentzia mundu jasangarriagoaren alde) burutuko da. Honetan estatuko erkidegoguztietako 120 gaztek (DBHko 1. ziklokoak) parte hartuko dute prestatzekoekainean Rion egingo den mundu mailako konferentzia mundu jasangarriagoaeskatzeko gobernu guztiei. San Fideleko DBH 2. mailako bi ikasleek izango duteaukera bertan parte hartzeko, hauek eskolako agenda 21eko euren mailakoordezkariak izanik, gure esperientzia zabalduko die beste gazteei eta eraberean haiengandik esperientzia berriak jasoko dituzte. Han egiten denarenberri zabalduko dute itzultzerakoan ikastolan. Bidai ona izan!!!

SAHARA HURBILETIK

2012-01-18T17:10:00.000+01:00

Normalkuntza, pastoraleta EA21eko batzordeen eskutik antolatu da SAHARAren aldeko ekimena. Honenbitartez, ikasle guztiek izango dute aukera Saharar Herriaren egoera ezagutzeko hurbiletik. Ikastolan dugunfamilia sahararra eskeini da euren esperientzia azaltzeko eta bere herriarenegoeraren ezagutza izateko. Aprobetxatu nahi izan da gurasoen elkartetik etorriden beste baliabide bat: Bilboko metroko langile batzuk eratu duten elkarteaSahararen alde, GKE honen ordezkari bi etorriko dira euren ekarpena egitera.Guzti hau burutuko da urtarrilaren 25ean egun guztian zehar eta aste horretanhasita otsailaren 3ra arte, idazkaritzaren aurrean izango da Sahararherriarentzat elikagai eta beste produktuen bilketa; halaber, metrokobolondresek aurten aurrera eraman nahi duten proiketuarentzat dirua biltzeko, kamisetak,pin-ak etab. salgai egongo dira ikastolan ere.

KIMIKA BIZIRIK 2012

2012-01-18T17:02:00.000+01:00

Urtarrilaren 12an, DBH 4.mailakoikasle talde batek, UPV / EHU ko Zientzia eta Teknologia Fakultateak Leioakocampusean antolatutako KIMIKA BIZIRIK 2012 jardunaldietan parte hartu zuen.

Ekitaldi honetan,ikasleek, lau ordutako saio batean, ikastolako irakasle bat eta Fakultateko biirakaslek ikuskatuta zenbait esperimentuegin zituzten Leioako Kimika laborategian.

Bestalde, bertakoirakasleek egindako zenbait saiakuntza behatzeko aparteko aukera izan genuen.

Jardunaldi haueklaborategiko lanetan ikasleek duten prestakuntza hobetzea, zenbait oinarrizkokontzeptu ulertzen laguntzea etaKimikak gaur eguneko bizimoduan daukan eraginaren berri izatea dute helburutzat.

HORRA, HORRA GURE OLENTZERO!

2011-12-22T17:01:00.001+01:00

Badatoz Gabonak.Alaitasunez elkartasunean ospatu dugu ikastolan Gabon Jaia. Haur Hezkuntzakoikasleek, Lehen Hezkuntzakoek eta DBHkoek euren saiotxoak eskaini dizkigute etabaita irakasle eta langileek.

Zorionak denoi!

GABON MEZUA

2011-12-22T12:01:00.003+01:00

APALTASUNEZ BIZI, DENOKBIZI GAITEZEN

SAN FIDEL IKASTOLAK GABON ZORIONTSUAK OPA DIZKIZUE

2011-12-22T10:45:00.000+01:00

Aurton Haur Hezkuntzakoumeek parte hartu dute zorion-postalarendiseinuan eta hona hemen Unax Bareñok eginiko postala.

DIRUA EZIN DA JAN

2011-12-21T16:02:00.000+01:00

Bakarrik, azkenengo zuhaitza ebagitzen duzunean..

Bakarrik, azkenengo ibaia kutsatzen duzunean..

Bakarrik, azkenengo arraina hartzen duzunean..

Orduan jakingo duzu dirua ezin dela jan.

DURANGOKO AZOKAN

2011-12-07T17:23:00.012+01:00

Aurten ere Durangoko azokan izan gara, oraingoan DBH1 eta DBH2ko ikasleekin. Antolatu diren jarduera gehienetan parte hartzeko aukera ederra benetan!

ZIENTZIAREKIN SOLASEAN !

2011-12-07T10:05:00.001+01:00

Abenduaren 2an, Donostia International Physics Center (DIPC-k) Donostiako Eureka! Zientzia museoan ospatutako goi mailako ikertzaile eta bigarren hezkuntzako irakasle eta ikasleen arteko topaketan parte hartu genuen DBH 4.mailako ikasle talde batekin.

Topaketa honetan, Pedro Miguel ETXENIKE (DIPC-eko presidentea) moderatzaile , Claude COHEN-TANNOUDJI (1977ko Fisika Nobel Saria) , Albert FERT (2007ko Fisika Nobel Saria) eta Juan Ignacio CIRAC (Asturias Printzea Saria 2006) izan ziren ikertzaile gonbidatuak.

Ekitaldiaren lehenengo atalean gonbidatutako zientifikoen aurkezpena egin ondoren,, ikastetxe desberdinetako ikasleek beraiek gelan prestatutako hainbat galdera egiteko aukera hobezina izan zuten.

ABENDUAREN 2an IZAN GENUEN IKASTOLAN TXARRI-JANA.

2011-12-07T09:32:00.012+01:00

Abenduaren 2a

gaur lehenengo froga

mahai bueltan batu gara

afaltzen gustora

lasai guztiontzako

jana egongo da

prestatu dogulako

kriston txarriboda

(......)

...............................LH6A ( bertso guztiak ikusi )

Kontatzeko badogu

hemen historia

txarribodak badauka

bai kategoria

txarria hazi zuten

bihurtu lodia

eskertuko digu gaur

bere mejoria

(.......)

...........................LH6B ( bertso guztiak ikusi )

EUSKARAREN ALDEKO DEKALOGOA

2011-12-03T00:02:00.000+01:00

Ikastolan, euskaraz gain, gaztelania, ingelesa eta frantsesa ikasten ari naiz, eleanitza izatea berasgarria da. Baina inoiz ez dut ahaztuko euskalduna naizela eta euskaraz hitz egingo dut.

2. Euskaldunak garela eta euskaraz bizi nahi dugula aldarrikatzen dugu.

3. Euskararen erabileraren aldeko ekimenetan partaide izango naiz eta ikastolan, ikastola eta herria euskaldunduz.

4. Ordenagailua eta sakelako telefoneen hizkuntza euskarara aldatuko dut.

5. Euskaraz entzuten ditudan hitz berrien esanahia ikasten ahaleginduko naiz.

6. Euskara bizirik justu-justu iraun duen hizkuntza ezagutzeko aukera izan dudalako, euskara ongi ikasteaz gain, harrotasunez erabiliko dut erderakadarik bota gabe.

7. Nire herrian euskaraz funtzionatzen duten zerbitzuak (telebista, irradia …) euskaraz ikusten eta entzuten ahaleginduko naiz ahal dudan guztietan.

8. Euskara euskaldunon euskal arima da.

9. Hizkuntza batekin lau gauza egin daitezke: hitz egin, irakurri edota produktuak erosi eta dastatu. Hori euskararekin ere egin daiteke.

10. Noizbait norbaiti gazteleraz hitz egiten entzuten badiogu jakinda euskaraz badakiela, euskaraz hitz egiteko esango diogu.

11. Gu baino gazteagoekin euskaraz egingo dugu.

12. Euskaraz jakin arren gaztelaniaz hitz egiteko ohitura duenarekin, bere eta denon onerako euskaraz jarraituko dut, Artze poetak esandakoa gogoratuz: “Hizkuntza bat ez da galtzen ez dakitenek erabi,……………”

13. Nire inguruan bizi diren kultura eta hizkuntza guztietara zabalik banago ere, Euskal Herriko kultura eta hizkuntza maiteko ditut.

14. Guk euskaraz hitz egiten badugu, gazteagoek ere egingo dute.

15. Euskarak beste hizkuntza garrantzitsuen maila berean egon behar du.

16. Euskara gure altxorra da. Harro sentitu euskaraz hitz egitean.

17. Euskara zertarako? Euskaldun izateko. Kultura ekarle dugu. Kantaria da euskara. Matematikoa eta logikoa da euskara. Poetikoa da euskara.

18. Euskalherrian oraindik egiteko dagoen iraultzarik handiena euskararen normalizazioa da.

19. Euskaraz zuzenduko gara jendearengana. Ez badaki, esango digu.

EUSKARAREN EGUNA

2011-12-03T00:01:00.006+01:00

Hizkuntzen aniztasuna

bultzatu

SAN ANDRES, TXARRIAK ASKAN TRABES eta IKASTOLAN TXARRI-JANA.

2011-12-01T08:59:00.006+01:00

Esaera zaharrak esaten duen bezala, txerri-jana egiteko sasoia heldu zaigu. GOGORATU!!, BARIKUAN, ABENDUAREN 2an, AFARIA IZANGO DUGU: Porrusalda, txerrikia, ardotxoa … Nagusiok sabela betetzen dugun bitartean, gaztetxoagoek Herri-kirolak izango dituzte. Eta gero berotzeko, BERTSO-SAIOAK, KANTAK eta DANTZALDIA.

5.MAILAKO IKASLEAK MADARIAGA DORRETXEAN

2011-12-01T00:01:00.001+01:00

Urriaren 19an, euripean abiatu ginen Madariaga Dorretxera 5.mailako ikasleak. Bertan eman genuen goiza, hango begiraleekin ekintza ezberdinak egiten. Bazkal ondoren, euripean berriro, Sukarrietako San Antonio hondartzara joan ginen espezieak aztertzera. Alde batetik euria eta bestetik itsasoa… blai eginda amaitu genuen. Ederto ibili ginen eta konturatu orduko, trena hartu eta Ikastolara bueltatzeko ordua iritsi zitzaigun.

Egun bustia, baina era berean, interesgarri eta dibertigarria.

EMAKUMEENGANAKO INDARKERIARI EZ

2011-11-25T00:00:00.001+01:00

CALZADA EGOITZAKO LITERATURA-LEHIAKETA

2011-11-22T17:38:00.004+01:00

Beste behin, ikastolako 6. mailako ikasleek Calzada Egoitza Fundazioak antolatzen duen literatuta-lehiaketan parte hartu dute. Guztietatik hiru izan dira aukeratutako idazlanak eta euren egileak Oier Garcia, Uxue Aurre eta Jane Garcia. Azken honen lanak, lehiaketa horretako hirugarren saria lortu du. Horrez gain, ekintzaren oroigarri-plaka eskuratu du ikastolak.

ARTE EDERRETAKO MUSEOKO ETA EITBKO BISITALDIA

2011-11-21T17:50:00.000+01:00

( 2011ko azaroaren 11an 4.DBHkoekin )

ANTONIO LÓPEZEN ALDI BATEKO ERAKUSKETA

Antonio López ‘errealismo madrildarra’ deitutako mugimenduari lotuta egon zen, eta Gerra Zibilaren osteko panorama espainiarreko artistarik pertsonalenetakoa da. Berrogeita hamarreko hamarkadatik, marrazkiak, grabatuak, pintura eta eskultura landu izan ditu, eta aire intenporaleko eta birtuosismo tekniko handiko lana sortu du, izaki eta objektuen agerpen errealistan oinarrituta. Bere errepertorio ikonografikoa arlo bisualaren errealitatetik abiatzen da beti, eta intimitatearen eta kanpoko handitasunaren arteko espazioetan murgiltzen da: erretratuetan, natura hiletan, barrualde eta etxeko objektuetan, eta panorama handietan, alegia.

AZTERKOSTA

2011-11-15T14:02:00.002+01:00

Atzo, azaroaren 14a, AZTERKOSTA egitera joan ginen LH3.mailako ikasleak, eta besteak beste, Urdaibaiko kostaldea aztertzeko aukera izan genuen.

Biodibertsitatea ikusi eta aztertu egin genuen, Mundakako, Laidatxu hondartzan.

Harrapatu genituen animaliak, itsas trikua, karramarro berdea, karramarro gorringoa, karramarro ermitaria, beltza (zapateroa) eskarra, zapaburuak, lapak, mojoiak, anemonak, karakolak…

Horren ostean, uraren kalitatearen gaineko ikerketa bat ere burutu zuten ikasleek, nitratoak (5ppm /nitratoen balore onargarria), fostafoa (4ppm/ uraren kalitatea txarra), oxigeno disolbatua (4ppm/kaltegarria espezie gehienentzat eta uraren tenperatura (16-17º) aztertuz.

Bazkal ostean, zarama bilketa egin zuten ikasleek, errekaondoko eta hondratzako gune ezberdinetatik

TXATXARRAMENDI-SUKARRIETA

2011-11-15T13:23:00.000+01:00

Azaroaren 11n Sukarrietan dagoen Txatxarramendi irlara joan ginen LH 1.maila eta 2.mailakoak. Trenez joan ginen eta bertan ibilalditxo bat egin genuen hango zuhaitzak eta landareak aztertzen. Gero, parke batera abiatu ginen, trena hartu eta eguerdirako ikastetxean egon ginen.

APARKABIZIAK

2011-11-11T15:32:00.002+01:00

Mugikortasun jasangarriaren alde San Fidelen, aparkabizi berriak lehenengo egunetik estimatuak izan dira. Ikusten denez, gazteenetatik hasita handienak arte erabilera ematen die.

EROSKETA BERDEA

2011-11-10T10:13:00.002+01:00

Urriak 27an Busturiako Madariaga Dorretxean, Erosketa Berdeari buruzko prestakuntza saioa antolatu zen IHOBEren eskutik, eta Eskola Agenda 21en sartuta dauden Urdaibaiko ikastetxeak eskatuta, ikasturte honetan zentru guztiok daukagun gai amankomuna Erosketa Berdea baita. . Saio irekia izan da interesa daukan guztientzat, familia, ikasle, irakasle, … . Bertan eman zen aurkezpena ikusteko klikatu hemen.

BURDIN MEATZARITZA

2011-11-07T12:48:00.010+01:00

Urriak 21an eta 28an DBHko 2. mailakoak La Arboledara joan ginen. Bertan hainbat gauza egin genuen:

Goizean talde bi eginez paisaia eta meategiak ezagutzera abiatu ginen.

Lehedabizi ea zaintzen dugun gure ingurua eta zenbat zabor sortzen dugu jorratu genuen.

Bigarrenez Bizkaiko burdin meategien hainbat gai jorratu genietuen: burdinaren historia, meatzal-ustiapena, meategietako langileak eta euren tresnak, zer nolako azpiegiturak zituzten, garraiobideak e.a.

Geologia apur bat era aztertu genuen ikusi genuenean ateratzen zituzten mineralak.

Hamaiketako jan ondoren Peñas Negras Ingurumen Interpretazio zentrora joan ginen.

Zeozer nekatuta heldu ginen baina bazkaria janda berehala prest egon ginen lanerako

Amaitzeko eguna bideo bat eta maketa batzu ikusi genituen.

DBH 1. MAILA ARANTZAZU - OÑATI

2011-11-07T10:10:00.003+01:00

Beste urte batez Arantzazuko ibilbide zoragarria egiten !! Arratsalde parterantz Oñatiko Natur Eskolara bajatu ginen mineralen tailerrak egitera eta egunari amaiera ematera.

PLANETA ZAINDU DEZAGUN

2011-11-04T11:24:00.000+01:00

2010. urtean Madariaga dorretxean , Busturian, Brasilgo konferentziara eramateko adostu zuten Euskadiko arduren eskutitza “planeta zaindu dezagun” :

Euskal confint 2010 (PDF)

Brasilian, 2010eko ekainean Planetako gazteen Arduren gutuna:

Brasil confint2010 (PDF)

IRAES21eko ikasleen DEIA , Brasilian edostutakoa zabaltzeko :

carteliraes (PDF)

MADARIAGA DORRETXEAN

2011-10-27T11:06:00.001+02:00

Gaur, urriaren 27an, Madariaga Dorretxera joan gara Lehen Hezkuntzako 3.mailako ikasleak, eta biodibertsitatearekin lotutako hainbat jarduera burutu dituzte ikasleek, besteak beste, biosferako hegazti eta landaretza ezagutzea paduran bertan. Belarkiak, zuhaixkak eta zuhaitzak identifikatu dituzte, eta horren ostean Madariaga Dorretxean beste hainbat ekintza egin dituzte: biogymkana eta ikerkuntza. Gure ondarea urbiletik ezagutzeko aukera paregabea izan da gaurko irteera!

BERMEOKO ARRANTZALE MUSEOAN

2011-10-21T10:51:00.001+02:00

Urriaren 18an LH 4.mailako ikasleak Bermeoko arrantzale museoa ikustera joan ginen. Bi txandatan sartu ginen eta bertan Arrantza egiteko modu desberdinen ganeko informazioa eman ziguten.

URRIKO LEHEN ASTELEHENA

2011-10-07T10:18:00.000+02:00

Urriaren 3an ganadu azoka ikustera joan ginen LH 4 .maila ikasleak. Animaliak ikusteaz gain euskal produktuak ere dastatu genituen, euskal pastela, gazta…

EGUN BATEN OPERAN

2011-10-03T13:59:00.001+02:00

Irailaren 30ean DBH 1. mailako ikasleok Euskalduna Jauregia bisitatu dugu “Simon Bocanegra” operaren prestaketa lanak ikusteko: jantziak, pelukak, dekoratuak… Euskaldunako instalazioak ere bisitatu ditugu: entseiu gelak, kamerinoak, eszenatokia…Esperientzia interesgarria izan da.

AJANGIZ

2011-10-03T10:39:00.001+02:00

Aurton ere Lehen Hezkuntza osoa, ikasle eta irakasle, irailaren 30ean Ajangizera joan ginen ikasturteari ongi-etorria ematera.

“ALCOHÓLICOS ANÓNIMOS” TALDEKOEKIN

2011-06-23T13:18:00.001+02:00

Drogomenpekotasuna zer den ulertzeko “Alcohólicos Anónimos” taldeko hiru pertsona izan genituen ikastolan. Euren esperientzia entzuteko aukera izan zuten DBH 3 eta 4. mailako ikasleek.

DBH 4. MAILAKOAK EGOERA EZBERDINAK EZAGUTZEN

2011-06-23T13:16:00.001+02:00

Ekainaren 21ean Kaltzada egoitzara, Torre Zuri egoitzara eta Gorabidera joan ginen DBH 4. mailako ikasleekin, Gernikan berton ditugun beste egoera batzuk hurbiletik ezagutzeko asmoz.

DBH 1. MAILAKOAK TORRE ZURI EGOITZAN

2011-06-23T13:10:00.001+02:00

Joan den ekainaren 6 eta 7an, ikasle hauek adinekoekin elkarbizitza esperientzia izan zuten. Adin ezberdineko belaunaldiak hurbiltzeko asmoz goiz bateko esperientzia bizi izan zuten.

DBH 4.MAILAKO IKASLEEN AGURRA

2011-06-22T13:30:00.002+02:00

Gaur, geure bizitzako etapa berezi baten amaiera ospatzen dugu. Orain arte gurekin egon diren eta bidaia luze honetan lagundu diguten lagun eta irakasleak agurtzeko ordua. Geure gogoan daukagu, ikastola honetara heldu ginen unea, sentitzen genuen zirrara eta urduritasuna. Azkenik, gela batetan sartu eta beste haur batzuekin batera eseri gintuzten. Orduan ez genekien zelako momentu onak igaroko genituen adiskide haiekin urte guzti hauetan zehar. Gelakide batzuk joan egin ziren, beste batzuk etortzen ziren bitartean. Era berean, hainbat irakasle izan ditugu, denak desberdinak eta ahaztezinak. Irakurtzen eta idazten irakatsi zigutenak, matematikekin lagundu zigutenak, kirola eginez dibertitzen irakatsi zigutenak, musikaren munduan sartu gintuztenak, geure hizkuntza eder hau zein beste asko irakatsi zigutenak…denetaz gogoratuko gara beraien ardura eta dedikazioagatik. Arraroa izango da goizeko 9etan ez ikustea bata bestea San Fidel Ikastola aurrean, baina badakigu hasten den guztia amaitzen dela, beraz hau atzean utzi eta aurrera jarraitu behar dugu. Gaurtik aurrera geure begirada beste horizonte batzuetarantz zuzenduta dago. Guztiok batera jarraitu izan dugun bidea bidegurutze batera heldu da eta bakoitzak bere aldetik jarraituko du. Denborak aurrera egin du eta jadanik ez gara gurasoen eskutik ikastolara etortzen ziren umetxoak, oraindik ametsez beteriko ibilbide luzea daukagu bizitzearren baina orain badakigu amestearekin ez dela nahikoa lan egin behar dugula nahi duguna lortzeko. Eskerrik asko San Fidel Ikastola hemen sortu diren adiskidetasunengatik eta betirako ikasita eramango ditugun gauzengatik.

AMAIAREN AGURRA

2011-06-22T11:39:00.001+02:00

Lehen Hezkuntza 1.mailako andereño Amaiak ikasleak agurtu ditu .Ikasleek txokolatada eta jolasak eduki zituzten.

EL KARPIN ETA POZALAGUA

2011-06-22T10:42:00.002+02:00

Lehen Hezkuntza 3 eta 4. mailako ikasleak El Karpin eta Pozalaguako kobazuloak ikustera joan ziren. Goizaldean Karpineko animaliak ikusten ibili ziren, ondoren bazkaldu eta kobazuloetara abiatu ziren. Egun ederra igaro zuten!

LHko 5 eta 6.MAILAKO IKASLEAK EL POBALEKO BURDINOLAN

2011-06-22T10:18:00.002+02:00

Ekainaren 17an, LHko 5 eta 6.mailako ikasleak, El Pobaleko burdinolara joan ziren. Hara joan aurretik La Arena hondartzara abiatu ginen, han hamaiketakoa hartzeko eta hankak luzatzeko asmoarekin. Ondo pasatu zuten bertan egon ginen denbora laburrean.

El Pobaleko burdinolara abiatu ginen ostean. Barrura sartu aurretik urtegirantz egin genuen eta gero taldeko argazkiak atera genituen banbuen baso aurrean. Banbuen baso hau Bizkaian dagoen bakarra da. Egia esan, museoaren ingurua aparta da zuhaitz mota ezberdin asko dagoelako.

Jateko orduan Santurtzirantz egin genuen eta han zibuak eta dauden parkean geratu ginen etxera etorteko ordua egin arte.

Egun ederra pasatu zuten ikasleek eta hori garrantzitsuena. Datorren urterarte ez dago azken txangorik, baina ordurako, gero eta gutxiago falta da. Animo eta ondo izan!

IZOTZEAN PATINATZEN!

2011-06-17T09:11:00.001+02:00

DBH 1. mailako gure ikasle trebeak patinatzeko gaitasun itzela agertu zuten joan den ekainaren 10ean Donostian. Miraria badirudi ere, hasiera-hasieratik profesionalak bezala aritu ziren. Eta hain onak izanik, zelan ez, lehian aritu ziren lasterketak eta jokoak eginez. Eguraldiak lagundu ez bazuen ere, merezi izan zuen joateak.

GOIZA EURITSU, ARRATSALDEA EGUZKITSU

2011-06-10T16:39:00.001+02:00

Horrela labur dezakegu joan den astelehenean, ekainak 6, Gorlizera joan ginenok izan genuen eguraldia. Dena den, primeran pasatu genuen piraguan, kars eta arku-tiroketan eta arratsalde parterako hondartzan jan eta ausartenek bainutxo bat hartu zuten, besteok atsedena hartu eta oinak beratzen jartzen genituen bitartean.

2010-2011 IKASTURTEARI AGURRA

2011-06-08T09:26:00.002+02:00

Urtero bezala, joan den ekainaren 4an ospatu genuen Ikastolako jaia guraso, ikasle eta irakasleon artean. Egunak eman zuen hainbat ekintza egiteko eta parte hartu zutenak gustora eta gogoz aritu ziren: txistularien kalejira Gernikako kaleetatik, herri-kirolak, euskal dantzak, tonbola, herri-bazkaria, ikuskizunak, sarien zozketa eta amaierako dantzaldia. Arratsaldez umeentzako puzgarriak eta quads. Primeran ibili ginen!

LHko 1. ZIKLOKO TXANGOA

2011-06-08T09:16:00.003+02:00

“Zein ondo pasatu dugun!” Hau izan zen txangoa egin ondoren umeengandik hartu genuen mezua.

Dena hasi zen goizeko 9:30ean Gernikatik Santurtzira abiatu ginenean; herriko parkera heldu eta: Aupa!!! Jolas leku eder bat. Eta jolastu, eta jan, eta jolastu eta jan….

Gero Santurtzitik Portugaletera oinez joan ginen; txalupak, ahateen etxeak uretan, itsasontzi ezberdinak… eta halako batean Bizkaiko Zubiaren aurrean aurkitu ginen. Hango bazteartekoan sartu eta beste aldera!. Berriro jan, edan, jolastu… eta autobusa hartu ondoren Akerlandara ailegatu ginen.

Leku ederra benetan! Izugarrizko landa bat arbolekin, jesarlekuak, mahaiak, iturria, txiringitoa, komunak ugari eta onena, eguraldia. Egun eguzkitsua. Jolastu, jolastu asko, erropa zikindu, disfrutatu eta 5:30erako etxera. Benetan zein egun ederra!

SUKARRIETA

2011-06-02T17:32:00.004+02:00

Lehen Hezkuntzako 4. mailako ikasleak primeran dabiltza Sukarrietan . Bi taldetan banatuta daude batzuk Itsasadarra lantzen ibili dira eta beste batzuk lurra proiektuen dabiltza jo eta ke lanean .

SANTANAPE 2011 – DANTZA ERAKUSTALDIA

2011-06-01T17:35:00.004+02:00

Joan den barikuan, maiatzaren 27an, Ikastolako dantza taldeko umeek dantzen erakustaldia eskaini ziguten Santanapeko frontoian. Aurtengo saioan ehun bat umek parte hartu zuten eta gaur egungo musika erabiliz, ohizko dantzetatik atera ziren koreografia ezberdinak : “Hiru txito”, “”Esku dantza”, “Saragi dantza”, Sorgin danta”… eta “Euskal txotisa”. Umeak primeran egon ziren eta euskal giro alaia eta hunkigarriak harrapatu gintuen denok.

IBAIALDE PROGRAMA

2011-05-31T10:22:00.002+02:00

Maiatzaren 25ean, DBH 1. mailako ikasleek parte hartu zuten IBAIALDE programan. Baldatika errekera joan ziren uren kalitatea aztertzeko eta bertako landaredia eta animalien egoera behatzeko.

MADARIAGA DORRETXEA

2011-05-23T15:10:00.002+02:00

Maiatzaren 19 an LH 3. mailako ikasleak Madariaga dorretxera joan ziren. Goizean barkuan ibili ziren Laidako Dunak aztertzen eta arratsalde partean Madariaga dorretxean bisitaldi gidatua egin zuten. Egun ederra igaro zuten.

GERNIKAKO UDAL FOROA AGENDA 21

2011-05-23T14:35:00.002+02:00

Maiatzaren 19an, goizeko 10etan, Gernika-Lumoko Kultur Etxean batu ziren herriko eta Barrutiako ikastetxe guztien Agenda 21eko ordezkariak . Eskolarteko Agenda 21eko foroa egin zen, bertan adostu ziren Udalari eskatuko zizkioten proposamenak.Ondoren, 12etan alkatea eta ingurumen teknikariaren aurrean azaldu zuten ikasturte honetan zehar burututako lana, hartu diren konpromisoak ikastola iraunkor baten alde, eta Udalari proposamenak luzatu zizkioten herria garatzen joan dadin modu iraunkorragoan.

Argi gelditu zen ikasleen borondatea: hondakinen kudeaketa hobetzea, 5. edukiontzi bat izatea hondakin organikoa biltzeko eta ondoren herri edo eskualde mailan konpostaia egitea. Horrela, ikasturte honetan, zentru guztietan hasiberri dugun konposta sortzeko proiektuak jarraipena izango luke herri mailan.

Konpromisoak (PDF)

PRIMERAKO SUKALDARIAK STA. JOAKINA EGUNEAN

2011-05-20T13:09:00.002+02:00

Sta. Joakinaren omenez antolatutako jaian hor izan ditugu ikasleak amantal eta apaingarriekin. Txikienek “salda bero-beroa” eskaini digute euren dantzekin; sandwich apartekoak prestatu dituzte beste batzuk; guzti horri gehitu gure betiko patata-tortilla eta gozozaleentzako txokolatezko pastelak.

Baina noski, hainbeste janarirekin kirola ere egin behar. Eta horretarako…. Olinpiadak!

Ezin hobeto pasatu dugu!

IKASTOLAKO IKASLEEK LOURDES ARRIETAri OMENALDIA

2011-05-20T12:52:00.003+02:00

Joan den maiatzaren 18an, Lizeoan batu ginen gure kide izandako Lourdes Arrietari omenaldia eskaintzeko. Berak hainbeste gozatzen zuen ikasleek egindakoaz eta bera gogoratzeko zer hobeto umeek egindakoa erakustea baino.

Oraingo honetan

, dantzarekin hasi, antzerki taldearen antzezlanarekin jarraitu eta abesbatzarekin bukatu genuen.

“Asteburu aztoratua” antzezlaneko u

me bihurrien ostean etorri ziren “Broadway”ko musikalekoak: New York New York, Cabaret, ABBA eta Grease. Yaiza Cid Foruriaren gidaritzapean, LHko ikasleek euren abestiekin eta dantzekin poztu gintuzten.

Zorionak denentzat!

4. DBH ko IKASLEAK GUGGENHEIM-en

2011-05-18T15:20:00.002+02:00

2011ko maiatzak 11 4. DBH ko ikasleak Guggenheim-ko bisitaldia erakusketa hauek ikustera:
· Denboraren materia
· Bitarte argitsua
· Kaosa eta klasizismoa: artea Frantzian, Italian, Alemanian eta Espainian, 1918-1936

EUROPEAR ELKARTRUKEKO IKASLE HOLANDARRAK GERNIKAN

2011-05-17T16:00:00.000+02:00

Joan den maiatzaren 10en heldu ziren Groningen hiriko ikasleak Gernikara. Aste bete bizi izan dira gure artean eskolako programa didaktikoa jarraituz eta denbora librean gure ikasle euskaldunekin batera gozatuz.

Esku artean izan dugun proiektua urarekin loturik zegoen. Hori dela-eta, astean zehar hainbat ekintza burutu izan ditugu Urdaibai Biosfera Erreserbaren inguruan: Santimamiñeko kobak, Atxarreko San Pedrora igoera, Madariaga dorretxeko programa didaktikoa, San Juan de Gazteluatxe… Horrekin batera ikastolan berton prestatu dugu erakusketa bat uraren inguruan eta baita gure errotei buruzkoa, konparatuz Holandako errotak eta gureak.

Egun hauetan ingelesa izan da gure artean erabilitako hizkuntza eta ikasleek benetan izan dute aukera euren ingeles maila hobetzeko.

BIZKAIKO ESKOLARTEKO BERTSOLARI TXAPELKETA

2011-05-17T15:15:00.000+02:00

Elene Egiarte, Lehen Hezkuntzako 6.mailako ikasleak, Bizkaiko eskolarteko bertsolari txapelketaren finalean 3.saria eskuratu du.

Sari banaketa, arratsaldeko 17:30etan izan da, Gernikako Foruen Plazan. Idatzizkoaren finala baino lehen, Seber Altube ikastolan izan dute Bizkaiko Ikastolen Elkarteak aurten ere hutsik egin gabe antolatu duen Bizkaiko eskolarteko XXVII. idatzizko bertso txapelketaren finala.

Parte hartze handia eta zabala egon da aurten ere eta eskualdeka banatuta ikastetxe eta ikastola gehienetako ikasle bertsozale eta bertsolariak hurreratu dira Gernikara eta egin dituzte idatzizko bertsoak.

Ordu bete bat izan dute bertsolari gazteek orri zuria bertsoz betetzeko. Gaia jarrita bertso bi egin dituzte eta lau oinak emanda bertso bat osatu dute zortziko txikian. Final honetara, kanporaketak pasa izan dituzten bertsolariak hurreratu dira eta gaur bertan, Gernikako finalean Elene Egiarte ikasleak zorte ona bere lagun izan du.

KORRIKA 17

2011-04-18T10:50:00.004+02:00

PAUSOZ PAUSO IKASTOLAKO TXIKIAK EUSKARAREN ALDE

2011-04-15T16:16:00.002+02:00

KORRIKA-TXIKI 17

2011-04-15T15:03:00.003+02:00

Gaur goizean, apirilaren 4ean, Gernikako kaleetan zehar Korrika-txiki 17ko ibilalditxoa egin dute gure ikasleek Gernikako beste zentroetakoekin batera.

PARTE HARTU BIDEGORRIDXEN ALDE

2011-04-15T15:00:00.002+02:00

......................................Ikusi planoa

BERTSOLARITZEN

2011-04-15T09:10:00.003+02:00

Mendatan apirilaren 10ean "Bertsolaritzen" bertso idatzi lehiaketan San Fideleko zenbait ikaslek parte hartu zuten eta batzuk saria lortu zuten.

HOLANDAN ASTE BETE DBH 3. MAILAKO IKASLEAK

2011-04-11T12:27:00.002+02:00

Europear proiektuekin jarraituz, aurton DBH 3. mailako 29 ikaslek parte hartu dute Groningen-en hiriko ikastetxe batekin. Aste beteko egonaldia izan dute Groningen hirian, hain zuzen ere, martxoaren 26tik apirilaren 2ra arte. Ikasle bakoitza bertako ikasle batekin bizi izan da eta astean zehar eskolak proiektua moduan antolatuta izan duen programa burutu du.

Aurtongo proiektua uraren inguruan da. Gai horrekin zerikusia duten hainbat formazio ekintza burutu izan ditugu eta baita bizikletaz ibili Holandako kaleetan zehar. Zein ohitura ezberdinak eurenak eta gureak!

Eta orain, euren zain! Maiatzaren 10ean Gernikara etorriko dira beste aste bete gure artean egoteko. Eta zelan ez! Ingelesez arituko beharko gara!!!

BURDIN MEATZARITZA ETA GIZAKIA

2011-04-01T15:54:00.003+02:00

Martxoaren 22 eta 29an joan gara DBH2. mailako ikasleok La Arboledako meatze guneko paisaiaren ezaugarriak ezagutzera. Peñas Negraseko Ingurumen Interpretazio Zentroa ere bisitatu dugu.

Eguraldiarekin ere zorte handia izan dugu egun bietan!

INAUTERIAK 2011

2011-03-14T13:47:00.004+01:00

Pozik batu ginen aurreko martxoaren 5ean Inauteriak ospatzeko. Hiru urtekoetatik hasita desfilea , dantzak, txokolatada eta azkenean gozoki poltsa bat izan genituen guztion gozamenerako.

EITB-ARTE EDERRETAKO MUSEOA

2011-03-09T16:31:00.004+01:00

Goizez EITB-ren sekretu guztiak zuzen zuzenean ikusi eta aztertu ondoren, arratsaldez Arte Ederretako Museoan LAZKANO-ren lanak ikusi genituen.

KONPOSTONTZI BAT JARRI DOGU IKASTOLAN

2011-03-02T12:28:00.003+01:00

Etorkizun hurbilean, hondakinak sailkatzeko bostgarren ontzia izango dugunez, zeinetan hondakin organikoa botako da konposta sortzeko, zer hobeto ikastolatik bertatik hastea baino, konpostatzea zer den ikasten.

Horretarako, Gernika-Lumo eta Arratzuko ikastetxeak konposta sortzeko proiektuan buru belarri sartu gara, zentru bakoitzean konpostontziak ezarri dira eta konposta egiteko prozesuaz arduratu behar gara.

Ikasleek modu oso didaktikoan ikasiko dute prozesu osoaren urratsak; gai izango direlarik nahi izan ezkero eta aukera izanik, etxeetan konpostontzi txikitxoekin konposta sortzeko.

Bizkaiko Foru Aldundira eta AlhóndigaBilbaora

2011-02-21T17:00:00.003+01:00

Otsailaren 17an LMH 6. mailako ikasleak Bizkaiko Foru Aldundi eta AlhódigaBilbaora joan ziren. Irtenaldi honen asmoa Foru Aldundia bisitatzea zen eta bazkaldu ostean AlhóndigaBilbaoko igerilekura joatea.

Foru Aldundian 10:30ean izan genuen ordua hartuta eta ikasleek asko gozatu zuten hango aretoen edertasunarekin eta monitorearen azalpen argiekin. Handik irten eta segituan Guggenheim ingururantz egin genuen apurka- apurka. Han pixkat jolastu ondoren bazkaldu egin zuten. Ordu bata inguruan AlhóngigaBilbaora abiatu ginen, han zutabeak ikusi eta argazkiak ateratzen egon ginen pixka batean eta gero helburua betetzera! Alhondigako igerilekura!

Uretan 50 minutu egin ondoren eta aldageletatik pasatu eta gero, berriro bueltan etxera.

MIREN AGUR MEABErekin SOLASEAN

2011-02-11T16:06:00.004+01:00

Joan den otsailaren 3an Miren Agur Meabe euskal idazleari, DBH 3.mailako ikasleok elkarrizketa bat egin genion. Gazte literaturako bere bi liburu irakurriak genituen: Urtebete itsasargian eta Itsaslabarreko etxea . Liburuei buruz galdetzeaz gain, euskal literatura, bere bizitza, gazte literatura eta etorkizunari begira zer egingo zuenaz interesatu ginen. Erantzunak apaltasunez emateaz gain, hainbat ideia geratu zaizkigu buruan. Aipatzekoak dira honako hauek:

Sariak irabazi dituen arren, adibidez, “Lauaxeta” saria, apaltasunez idazten ditu liburuak, badakielako sari banaketetan subjetibotasun handia dagoela eta badaudela beste idazle asko ere sariak merezi dituztenak nahiz eta ez jaso.

Gehien hunkitu zuen saria “Gazte” saria izan zen.

Idazle izateko bidearen abiapuntua:

· Goizean, izekok, sagar bat eta ipuin bat eramaten zizkion ohera.

· Bere zaintzaileak lagundu zion orain duen liburuenganako zaletasuna pizten. Koaderno eder bat oparitu zion bere egunerokoa idazteko.

· Ondarroako institutuan ikasi zuen, eta gaur egun idazle ezaguna den bat izan zuen irakasle. Liburu asko eramaten zizkien klasera.

· Bere amak ipuinen lehiaketen eta literaturarekin lotutako informazioaren berri ematen zion.

· Gaztetan frantsesa ikasten zuen.Frantses literatura asko miresten du, hain zuzen ere Marguerite Yourcenar.

Idazlea izateari buruzko ideia nagusienak:

Berak ez zuen erabaki idazle izatea. Bizitzaren gorabeherek aukera hori eman zioten. Pertsona bat ez da jaiotzen idazle.
Liburuak idazteko ideiak bere egunerokotasunetik hartzen ditu.
Txikitan bere lagunen arteko amodioak idazten zituen.
Berari gertatu zitzaizkion istorioak erabiltzen ditu liburuak idazteko.
Liburuetako pasadizo asko egiazkoak dira, eta Miren Agurrek txikitatik ezagutu zuen sufrimendua: etxean pertsona nagusiak zituen (amuma, izeko-osabak…).
Goizeko orduetan idaztea gustatzen zaio. Sukaldean idazten du eta udan, hondartzan.
Berarentzako idaztea lana da dirua irabazteko bide baita, baina hobby-a ere bada, gustora egiten du-eta.
Mirenek hainbat liburu idatzi ditu, poesia liburuak barne.
2010.urtean lau liburu argitaratu ditu.

Guk irakurri ditugun liburuei buruzkoak:

Itsaslabarreko etxea liburuan koaderno more bat agertzen da; koaderno hori berari txikitan oparitutako koadernoa da.

Joana, bere lagun baten alaba zen, eta horregatik jarri zion Joana izena istorioaren protagonistari.

Itsasalabarreko istorioaren hasiera, txikitan idatzitako ipuin batetik atera zuen.

Garraitzeta izena, Lekeitioko irlaren izenetik atera du.

Istorio tristeak gustoko ditu bizitza ere tristea delako zenbait egoeratan.

Urtebete itsasargian liburuaren bidez gazteei erakutsi nahi izan die Gerra Zibilari eta garai hari buruz zerbait gehiago.

Itsasargia sinbolo bat da: Euskalherriaren sendotasuna eta irmotasuna islatzen du, eta baita pertsonen bihotza taupadaka aritzen dena.

Etorkizunari begira, bere erronka: Helduentzako nobela bat idaztea.

Guretzako lehendabiziko esperientzia izan da idazle batekin elkarrizketa bat izatea eta interesgarria iruditu zaigu. Miren Agurri eskerrak emateko olerki bat idatzi diogu.

Munduan ez dauka inork

zuk daukazun aipamena.

Tartetxo bat izanda ere,

eskaini zenigun sentipena.

Liburu bat amaitzeak

ematen duen bizipena

hitz batean laburtu daiteke

hain zuzen ere: gozamena.

Zeuri eskainitako olerki hau

izan ez arren ederrena

bihotzez doatzu,

gure eskerrik beroena.

San Fidel Ikastolako DBH 3. mailako ikasleak

2011ko otsailaren 11n

SANTA AGEDA BESPERA DOGU...

2011-02-04T15:52:00.006+01:00

KANDELERIO EGUNA, OHITURA JARRAITUZ

2011-02-04T15:09:00.002+01:00

Haur Hezkuntzako 2 urtekoetatik hasita eta 12 urte bitarteko neska-mutil koskorretara artekoek ikasi zuten Kandelerio eguneko abestiaren doinua. Eguraldiak asko lagundu ez bazuen ere, aukera izan zuten kandela biztu eta abesteko elkarrekin.

LH 3. MAILAKOA EUSKAL HERRIA MUSEOAN

2011-02-04T14:57:00.002+01:00

Urtarrilaren 25ean Euskal herria museora joan ginen LH 3. mailako ikasleak. Bertan Euskal Herriko abesti eta dantza ospetsuak ikasten eta dantzatzen ibili ginen. Olaeta eskolako andereño bat eduki genuen gurekin eta oso ondo irakatsi zizkigun dantza guztiak. Ederki ibili ginen !

2011-2012 IKASTURTERAKO MATRIKULA

2011-01-27T17:00:00.009+01:00

Urtarrilaren 31n, 11-12 ikasturterako matrikula epea zabaltzen da.
Informazio gehiago nahi baduzu, klikatu hemen (PDF), ikastolako webgunea ikusi edo hurbildu zaitez inongo konpromisorik gabe Ikastolako idazkaritzara.

DIN DAN DON, GABONAK HEMEN.

2010-12-22T13:00:00.000+01:00

Gabonetako ekitaldia ospatu dugu ikastolan. Jai giro alaian elkartu gara ikastolako ikasle, irakasle, langile eta gurasook, kanta, dantza eta txistuz, Gabonei ongi-etorria emateko. Gabon mezua ere eskaini dugu bakea eta justiziaren aldeko deia eginez.

Eta zelan ez, amaiera biribiltzeko, gure Olentzeroren agurra izan dugu. Umetxoen ilusioak eta itxaropenak batu ondoren, “Olentzero”, “Hator, hator” eta “Marijesiak” izan ditugu doinu pozgarri.

GABON ZORIONTSUAK ETA URTE BERRI ON OPA DEUTSUEGUZ DENOI.

GABON POSTALAKO SARIA

2010-12-22T12:46:00.004+01:00

Gabon postala argitaratzeko aukeratu zan DBHko ikasleen talde irabazleak, abenduaren 22an jaso dau jagokon saria. Lehiaketan bigarren eta hirugarren postuetan geratutakoek be izan dabe saririk.

BUSTURIALDEKO UR PATZUERGOAK ANTOLATUTAKO ARGAZKI LEHIAKETAKO SARI BANAKETA SAN FIDELEN

2010-12-21T16:31:00.001+01:00

Atzo, abenduaren 20an, Ur Patzuergoko arduraduna eta lehendakaria izan genituen ikastolan eurek antolatutako argazki lehiaketaren sariak banatzeko.

Lehenengo saria San Fideleko Estibaliz Batiz-ek eskuratu zuen; bigarren saria Mertzede ikastetxeko ikasle batek eta hirugarren saria, Arteagako Montorre eskolakoak.

Gure artean izan genuen baita argazkilaria eta epaimahaiko kidea izan den Angel Ruiz de Azua. Aurkeztutako argazkien maila altua nabarmendu zuen azpimarratuz ikasleen begiek badakitela “ikusten”.

Saritutako argazkiekin 2011ko egutegiak egin dira eta eskuragai egongo dira ikastolan, udaletxeetan, eta abarretan.

GABONETAKO ZORION POSTALA

2010-12-20T14:37:00.002+01:00

DBHko ikasleek hainbat material ezberdinez eginiko jaiotzak egin dituzte. Denak daude ikusgai idazkaritzan. Horietako bat aukeratu da ikastolako familia, kide eta lagunei bailtzen zaien gabon postalaren argazki izateko.

Goian ikusten den postalaren egileak DBH 3. mailako Lucia Aransolo eta Maria Alvarez dira. Zorionak eurei ere horrelako lan polita egiteagatik!

“Ta bart Belenen

jaio da Jesús Nazaren”

(Gernikako Marijesiak)

San Fidel Ikastolak

Gabon zoriontsuak opa deutsuez.

GABON EKITALDI GOZOA

2010-12-17T10:17:00.001+01:00

Abenduaren 14an, iluntzeko zazpietan, Gabon ekitaldia izan genuen Lizeo Antzokian. Ordu t’erdiko saioa izan zen eta bertan geunden guztiok, elkarrekin ondo pasatzeko aukera izan genuen.

Ekintzak hauek izan ziren:

- Txistulariak; 5. eta 6. mailakoek abesti hauek eskaini zizkiguten: “Haurtxo polita”, Dringilindron” eta “Gabeko izar”.

- Lehen Hezkuntzako 1. mailakoen “Gabon gaua ote da?” antzerkia. “Gabonak Ilargian” LHko 2. maila B taldekoek antzeztua. Eta “ Jostailuak Belenera doaz” LHko 2. maila A taldekoen eskutik.

- Abesbatzak eskainitako bi abesti: “Alegria” eta “Ilargia”.

- Amaiera emateko, gurasoei eskainitako “Badot aita bat, badot ama bat”. Eta elkarrekin abesteko eta dantzatzeko “Arretxiko” eta “Gabon gaba heldu da”.

Gustora atera ginen guztiok. Honelako ekintzen merezi dutelakoan gaude eta aurrerantzean egiteko prest gaude.

Eskerrak ikastolako irakasle eta langileei; baita guraso eta lagunei etortzeagatik , eta zelan ez, parte hartu zuten ume guztiei, beraien lanarekin besteok disfrutatzeko aukera izan genuen-eta.

OLAETA BALLETEI BURUZKO ERAKUSTALDIRA BISITAN

2010-12-10T14:45:00.005+01:00

Lehen Hezkuntzako ikasleek Euskal Herria Museoan ikusgai dagoen OLAETA BALLETei buruzko eraskustaldiaz gozatzeko aukera izan dute. Talde honen historia biltzen da bertan eta ikasleei guzti horren berri ematen zaie.

Amaieran ikasleek dantza tailer baten parte hartzen dute Olaeta Balletak eskainitako jantzi dotoreez hornituz.

BUSTURIALDEKO UR PATZUERGOAK ANTOLATUTAKO ARGAZKI LEHIAKEKO IRABAZLEA DUGU IKASTOLAN

2010-12-02T15:01:00.014+01:00

Lau tanta, mila itxaropen ( Estibaliz Batiz, 2010)

Estibaliz Batiz-ek, DBHko 3. mailako ikasleak, lortu du argazki lehiaketaren 1. saria. “Uraren zikloa Busturialdean” gaiaren inguruko argazkia aurkeztu behar zuen eta argazkiarekin batera slogana ere. Kontutan izanik ura baliabide naturala dela, lehiaketaren helburua izan da ikasleak kontzientziatzea uraren garrantziaz eta beharrizanaz.

Zorionak Esti!

GERNIKA EZAGUTU

2010-12-02T15:00:00.000+01:00

Azaroaren 24ean LH 3 .mailako ikasleak Gernikatik ibilaldi bat egin zuten . Gernikako leku ospetsuenetan egon ziren gure herriari buruzko informazio mordoa ikasi zuten.

Emakumeenganako Tratu Txarrak Gaitzesteko Nazioarteko Eguna

2010-11-25T00:01:00.004+01:00

................................. http://www.berdinsarea.net/

.................................http://avatarberdintasuna.blogspot.com/

LH 3.MAILAKOAK AZTERKOSTAN

2010-11-24T12:59:00.000+01:00

Azaroaren 23an Azterkosta egitera joan ginen Mundakako hondartzara. Eguraldi nahiko kaskarra izan genuen baina ikasleak umore onarekin hondartzatik ibili ziren animaliak harrapatzen eta uren kalitatea aztertzen. Goiz polita izan zen!!

URKIOLARA IRTENALDIA

2010-11-15T14:33:00.003+01:00

Azaroaren 12an, LH 6. mailako ikasleak Urkiola parke naturalera joan ziren. Egun ezin hobea izan zuten hango ikuspegi orokorra jasotzeko eta natur ingurunea zaintzeak duen garrantziaz jabetzeko.

Ekintzak ondorengoak izan ziren:

· Ibilbide didaktikoa ( 1,5 km). Jolas baten bidez parkeko araudia, zuhaitz eta zuhaixkak eta animalien aztarnak landu.

· Toki Alai Zentroa. Zentroko ikus- entzunezkoa eta erakusketa, bereziki Urkiolako zuhaitzak, basoa eta harkaitza landu.

· Letona Korta Baserria. Urkiolako fauna eta florari buruzko jolasa.

· Behatokia. Hegaztien identifikazioa prismatikoekin.

HAINBAT IKASLEK HARTU ZUTEN GERNIKAKO MILLAN

2010-11-08T16:03:00.002+01:00

Txandaka-txandaka, 1. mailatik eta DBH 1. mailara arteko ikasleek hartu zuten parte urriaren 30ean antolatu zen Milla lasterketan. Oso pozik agertu ziren ikasle guztiak euren dominak eskuratu ondoren.

UDAZKENA HAUR HEZKUNTZAN

2010-11-05T14:50:00.003+01:00

Udazkenean gaudela eta Haur Hezkuntzako umeek osatu duten proiektuaren argazkiak.

EUROPA PARKEAN

2010-10-21T16:14:00.002+02:00

Argazkiotan ikusten den bezala, hiru urteko umeak euren andereñoekaz irteeratxoa egin zuten Europa parkera, udazken proiekturako hostoak biltzen. Beronen bidez, urtaroen aldaketak ere aztertu zituzten.

EUSKAL JAIA GERNIKAN

2010-10-05T18:08:00.005+02:00

Hamaiketako sasoia: SAN FIDEL ikastolan elkartu ziren Gernikako "URDAIBAI Kalean Kantuz" taldea eta Euskal Herriko beste hainbat kantu-talde. Euskal Jaia ospatzeko, gero kalez kale ibiliko zirenak gure kantu zaharrak kantatzen.

EUSKAL JAIA

2010-10-05T17:53:00.004+02:00

Euskal Jaia dela eta, zapatuan, Gernikako Pasealekuan, umeen eskolarteko herri-kirolak jokatu ziren. Bertan, Allende Salazar, Barrutia, Mertzede, San Fidel eta Seber Altubeko umeek hartu zuten parte.
Mailak: UMETXOAK (Benjaminak) /UMEAK(Alebinak).
Egin zituzten frogak:
Umetxoetan:Lokotz batzea, zaku-lasterketa, txinga-erute, soka-tira, gurdi eta ingudea, gizon-proba eta lasto-altxaketa.
Umeen mailan: Lokotz batzea, zaku-lasterketa, txinga-erute, soka-tira, gurdi eta ingudea, gizon-proba eta lasto-altxaketa.

LEHEN HEZKUNTZA AJANGIZEN

2010-10-05T17:41:00.001+02:00

Lehen Hezkuntza osoa, ikasle eta irakasle, joan ginen Ajangizera urriaren 1ean ikasturteari ongi-etorria emateko. Jai eta jolas giro ederra bizi izan genuen hainbat jokotan eta dantzalditan parte hartuz.Eguraldia ere alde izan genuen.

IRAKASLE IZANDAKOEI AGURRA JAI GIROAN

2010-10-04T16:24:00.003+02:00

Joan den irailaren 24an ikastolak eskaini zien bere agurra hainbeste urtetan ikastolan lanean aritu izan diren bi irakasleri, hain zuzen ere, Araceli Vallejo eta Mª Jesús Solagureneri. Jarrai dezatela pozik bizitzaz gozatzen.

Aspaldi honetan dogu
jubilazio zoroa
danori gustatzen jaku
etorkizun oparoa
besteoi helduko jaku
oso arin zahartzaroa
ostera berandu samar
jubilatzeko bandoa
atzetik jasotzen dogu
Zapateroren tiroa
hain gaitza bihurtu jaku
guretzat erretiroa
Arazeli ta Marije
zuentzat gaurko giroa
jaso dagizuela gaur
guztion agur beroa

Dudarik gabe izan da
ulertzeko zoramena
baietza zen hasieran
gero ezetza, ze pena,
eta azkenean berriz
baietzaren hasperena
ah zelako nahastea zan
ez dakit zenbatgarrena
gaur zuena ospatzeko
hartu dogu eguena
goi-goian ipini gura
dogu zuen aipamena biok idatzi dozue
esker onaren txostena
eta opa deutsuegu
etorkizunik onena.

DBH 4.MAILAKO IKASLEEN DESPEDIDA

2010-06-18T14:27:00.003+02:00

Aurrera neska-mutilak, zeuena da mundua !

LAIDAN DBH 4.MAILAKOEKIN

2010-06-15T17:43:00.009+02:00

Ekainaren 11n 4.DBHko ikasleak azkenengo txangoa: Laida.
(Argazki gehiago ikusteko klikatu hemen)

LH 3 ETA 4. MAILAKO IKASLEAK DONOSTIAKO KUTXA ESPAZIOAN

2010-06-14T14:58:00.003+02:00

Ekainaren 11 an, Lehen Hezkuntza 3 eta 4 . mailako ikasleak Donostiko Kutxa espaziora joan ginen. Makina bat esperimentu ikusi eta ikutu genituen eta planetariunean ere sartu ginen. Egun ederra igaro genuen !

DBH 1. MAILAKOAK TORRE-ZURI EGOITZAN

2010-06-14T14:45:00.003+02:00

Nagusiak eta gazteak programaren barruan, ekainaren 7an eta 8an goiz osoko elkarbizitza esperientzia izan zuten.

HAURREN LANAREN AURKAKO MUNDUKO EGUNA

2010-06-12T00:01:00.004+02:00

Gaur ,ekainaren 12, Haurren lanaren aurkako Eguna ospatzen da. Hona hemen helbide interesgarri batzuk:
-Informazioa
-Aurkezpenak ( 1 eta 2)
-Argazkiak
-Bideoak ( 1, 2, 3 eta 4)
(klikatu urdinez dagozan zenbaki edo hitzen gainean)

CLEOPATRE ET LE GENERAUX

2010-06-10T16:49:00.003+02:00

DBH 4. mailako frantsezeko ikasleak antzerki bat prestatu dute: Cleopatre et le generaux.
Aipatzekoa da antzerki honetan erakutzi duten frantsesezko maila eta euren erreztasuna antzerkia egiterakoan.
Benetan zoriontzekoa!

SASKIBALOIKO AURTONGO DENBORALDIARI AMAIERA EMAN DIOGU

2010-06-09T09:10:00.011+02:00

.................................5-6. mailako taldea..............................

2009-2010 ikasturtean saskibaloian aritu diren taldeak gustora ibili dira eta emaitza onak lortu dituzte. Aipatzekoa da 5. eta 6. mailako ikasleez osatutako taldearen ibilbidea, sailkapenean irabazle izatea lortu baitute. Baina, zorionak ikastolako jokalari guztiei egindako ahaleginagatik.

....................................3. mailako taldea..............argazkiak (+)

IKASTOLAKO EGUNA OSPATU DUGU EKAINAREN 5ean.

2010-06-08T16:16:00.001+02:00

Ikasturteari bukaera emateko guraso, ikasle eta irakasle batu ginen ikastolan jai giro alaian. Txistularien kalejirarekin hasita dantzarien mugimendu eta kolorearekin jarraitu genuen. Ostean herri-kirolak izan genituen jostagai, bai umeentzako , bai gurasoentzako. Tartean solidaritate proiekturako tonbola izan genuen. Eta tragoxka batzuk hartu ondoren, bazkari gozoa zain.
Arratsaldez, puzgarriak, dantzaldia eta txokolataka egunari amaiera emateko.

DBHko BIGARREN MAILAKO IKASLEAK GORLIZEN

2010-06-08T16:01:00.003+02:00

Aurten ere Troka Abentura taldearekin Gorlizen piragua eta kanoetan zeharkaldiak egin ditugu. Bai itsasotik bai errekatik joateko aukera izan dugu baina baldintza meteorologikoak zirela medio itsasora joaterik ez genuen izan. Hala ere argazkietan agertzen den oso ondo pasatu genuen.

INGURUGIROAREN EGUNA

2010-06-05T00:01:00.001+02:00

Gaur Ingurugiroaren Nazioarteko Eguna da, informazio gehiago lortzeko klikatu hemen.

MAIATZAREN 22an LEKEITION ESKUALDEKO IKASTOLA ARTEKO KIROL TOPAKETAN PARTE HARTU GENUEN

2010-05-28T16:03:00.002+02:00

Lehen Hezkuntzako 1. eta 2. mailako guraso eta ikasleak Lekeitioko uretan arraunean aritu ziren esperientzia berri honekin gozatuz. Eguraldia lagun izan zutelarik, ostean ibilbide labur bat burutu zuten. Bukatzeko, hondartzako jolasak zain izan zituzten.

ESKOLAKO AGENDA 21

2010-05-27T22:56:00.002+02:00

Maiatzaren 24an Gernikako Kultur Etxean,Eskolako Agenda 21 programaren barruan, Gernikako 7 zentroak bildu ziren Eskolarteko eta Udal Foroa burutzeko.
Honen helburua izan zen ikasturtean zehar egindako lana azaltzea,eta baita, adostea ikastexe guztien artean, proposamen batzu herria hobetzeko . Proposamenak Gernika-Lumoko alkate eta ingurumen zinegotziari aurkeztu zitzaien eta era berean erantzuna jaso zuten bertan bildutako ikasle eta irakasleek

SANTA JOAKINA EGUNA: KOLOREA NAGUSI

2010-05-21T13:40:00.007+02:00

Egun ederra gaurkoa! Ezin jako egunari gehiago eskatu, benetan. Aurton jolasak, krossa, olinpiadak, tortilla eta sandwich txapelketaz gain, txikiek tartak be egin dabez eta kolorez margoztu dabe gure jaia. Ikusi, ikusi argazkiak!